KRYEFAQJA » Mirëmëngjes Shqipëri

Mirëmëngjes Shqipëri

Rreth Emisionit

Programi “Mirëmëngjes Shqipëri” shtrihet përgjatë 5 ditëve të javës nga e Hëna deri të Premten duke filluar nga ora 6:30 deri në orën 10:00 në RTSH 1 HD dhe hapet nën moderimin e gazetarit Enkel Demi, i cili përmes rubrikave të ndryshme sjell infomacione  nga shtypi i ditës, trajton ngjarje te temave aktuale me të ftuar ekspertë dhe profesionistë nga Shqipëria, Kosova dhe rajoni.

Nuk mungojnë hapësirat muzikore, humoristike dhe plot kuriozitete.

Më pas programi vijon me prezantuesit Blerina Shehu dhe Arbër Çepani të cilët përmes rubrikave të ndryshme në ditë të ndryshme të javës trajtojnë tema aktuale, sociale, kulturore  dhe teknologjinë, ku vendin kryesor e zënë informacionet që gjejnë vend në mënyrë praktike në përditshmërinë e shikuesve.

Emra të njohur dhe shumë te dashur të sferës sociale, të skenës dhe ekranit, artit dhe politikës, vijnë çdo ditë në studio për të sjellë histori personale, mesazhe frymëzimi, dëshmi të gjalla e të shumëllojshme të jetës shqiptare.

Një hapësirë e veçantë i kushtohet edhe ngjarjeve sportive të përcjella në studio nga gazetarët e sportit në RTSH.

Brenda spektrit mëngjesor nën moderimin e gazetares Zhaklina Gjolla, vijnë rubrika që na tregojnë sesi të kujdesemi për veten, duke filluar nga mënyra e të ushqyerit, aktivitete të ndryshme për të mbajtur trupin në formë dhe njëkohësisht argëtuese.

Sigurisht që në program nuk mungon parashikimi i motit nga meteorologia Rezarta Xhakollari si edhe parashikimi i yjeve për shenjat e horoskopit nga astrologia Meri Gjini.

Programi realizohet nga një grup profesionistësh nën drejtimin e autorit Ermir Topi.

Videot e Emisionit

Na ndiqni në Rrjetet Sociale

Bëhuni fansa në faqen e Facebook: Mirëmëngjes Shqipëri

Gjithashtu na ndiqni dhe në  Instagram ose duke na kerkuar me @miremengjesshqiperi

Kthehu Pas

Sicred