KRYEFAQJA » LAJME » Bota » Zyrtari “Kyç” i Koresë së veriut takon Pompeon në New York

Zyrtari “Kyç” i Koresë së veriut takon Pompeon në New York

Krahu i djathtë i liderit koreano verior Kim Jong-un u takua me sekretarin amerikan Mike Pompeo në New York për të diskutuar rreth takimit historik. Gen Kim Yong-chol darkoi me Pompeon pasi fluturoi për në New York nga Kina dhe dyshja do të ritakohen gjatë ditës. Ai është zyrtari më i lartë i Koresë së Veriut që viziton SHBA-të në këto 20 vjet. Presidenti amerikan Donald Trump më parë anuloi takimin e lënë për në 12 qershor, por të dy palët kanë bërë përpjekje të reja për të zhvilluar takimin, sipas planifikimit. Planifikuar për t’u zhvilluar në Singapor, takimi historik do të jetë i pari takim, ku presidenti në detyrë i Amerikës do takohet me liderin e Koresë së Veriut. Të mërkurën në mbrëmje, Mike Pompeo dhe Gen Kim mbërritën secili në një ndërtesë, pranë zyrave të OKB-së. Në krye të takimit, Mike Pompeo ka përcaktuar qartë pozicionin e SHBA-ve. Korea e Veriut ka kundërshtuar me forcë deklaratat e administratës Trump, të cilat krahasonin denuklearizimin e saj me atë të Libisë. Ish lideri i Libisë, kolonel Gadafi, hoqi dorë nga programi i tij bërthamor, për t’u vrarë disa vite më pas nga rebelët. Nderkaq, edhe kreu i diplomacisë ruse, Sergei Lavrov mbërriti në Phenian,. Ai zhvilloi një vizitë në Phenian me ftesë të homologut koreano-verior, Ri Yong Ho”. Ministri rus i jashtëm theksoi të mërkurën se qëllimi i vizitës ishte diskutimi për çështjet dypalëshe, situatën në Gadishullin Korean dhe çështjet ndërkombëtare dhe rajonale.

Sicred