KRYEFAQJA » LAJME » Zjarret në zonën e Fierit, rrezik në rafinerinë e Patosit

Zjarret në zonën e Fierit, rrezik në rafinerinë e Patosit

Një zjarr i fuqishëm ka rënë në mëngjesin e sotëm pranë depozitave të naftës në Patos. Zjarri ka rënë rreth 100 metra rreth depozitave të naftës të një kompanie private në vendin e quajtur “Ofiçina Patos” duke u bërë rrezik edhe për zonën përreth. Në vendngjarje kanë shkuar edhe punonjësit zjarrëfikës si dhe avari shpëtimi Patos sipas të cilëve njoftohet se zjarri është vënë nën kontroll duke bërë të mundur izolimin e vatres së zjarrit ndërsa ende po punohet për shuarjen e tij. Sipas njoftimeve të para nga vendngjarja mësohet se janë djegur rreth 4 dynym sipërfaqe shkurre dhe kullot. Shkak i zjarrit mendohet të jetë vetndezja nga mbetjet e naftës që derdhen në kanalet kulluese.
Zjarret mbeten problematike në Qarkun Fier. Në 24 orët e fundit janë regjistruar dy zjarre të cilat të influencuara dhe nga era kanë djegur sipërfaqe me pyll dhe kullota. Në fshatin Darëzezë, bashkia Fier ka rënë zjarr në një sipërfaqe me shkurre dhe pisha. Zjarrfikësit me mjete kanë shuar zjarrin. Si pasojë e zjarrit u dogj rreth 0.1 ha me shkurre dhe pisha. Në fshatin Shtyllas, bashkia Fier ka rënë zjarr në shkurre dhe kallama pranë një ullishteje. Zjarrfikësit me mjete kanë shuar zjarrin. Si pasojë e zjarrit u dogj rreth 0.4 ha me shkurre dhe kallama. Ndërhyrja e zjarrëfikëseve ka bëre të mundur shuarjen e zjarrjeve në fjalë.

Sicred