KRYEFAQJA » LAJME » Zgjedhjet në Kavajë, KQZ thirrje partive politike: Paraqisini anëtarët e KZAZ!
Zgjedhjet në Kavajë, KQZ thirrje partive politike: Paraqisini anëtarët e KZAZ!

Zgjedhjet në Kavajë, KQZ thirrje partive politike: Paraqisini anëtarët e KZAZ!

Komisioni Qendror i Zgjedhjeve u ka bërë thirrje tre partive politike PD, PR dhe LSI të paraqesin propozimet për anëtarë të KZAZ-së që do të administrojë zgjedhjet e pjesshme për kryetar të Bashkisë së Kavajës që do të mbahen më 7 maj. Deri tani këtë detyrim ligjor e ka plotësuar vetëm PS. Sipas zëdhënëses së KQZ mospërmbushja e këtij detyrimi ligjor nga partitë politike sjell si pasojë mos respektimin e afatit ligjor për ngritjen e KZAZ-së nr 42. “Afatet proceduriale për zgjedhjet e pjesshme për Kryetar të Bashkisë Kavajë, janë afate të shkurtuara dhe mos respektimi i tyre vështirëson punën për organizimin dhe administrimin e procesit zgjedhor të datës 7 maj” tha zëdhënësja Drilona Hoxhaj. Ajo u bëri thirrje Partisë Demokratike, Lëvizjes Socialiste për Integrim dhe Partisë Republikane, të paraqesin propozimet e tyre brenda datës 3 prill 2017.
Partitë e opozitës kanë paralajmëruar se nuk do të marrin pjesë në këto zgjedhje.

Sicred