KRYEFAQJA » LAJME » Bota » Trampi pret Junkerin, bisedojnë mbi heqjen e tarifave doganore mbi mallrat industriale
Trampi pret Junkerin, bisedojnë mbi heqjen e tarifave doganore mbi mallrat industriale

Trampi pret Junkerin, bisedojnë mbi heqjen e tarifave doganore mbi mallrat industriale

Presidenti i SHBA Donald Tramp dhe Presidenti i Komisionit Evropian Zhan Klod Junker ranë dakord në takimin e tyre në Shtëpinë e Bardhë të zhvillojnë bisedime mbi heqjen e tarifave doganore mbi mallrat industriale.
Për sa kohë që zhvillohen negociata, SHBA dhe BE nuk do të vendosnin tarifa të reja doganore, tha Junker. Përveç kësaj, qëllimi është të flasim për harmonizimin e standardeve dhe të punojmë së bashku për të reformuar Organizatën Botërore të Tregtisë, tha Presidenti i Komisionit Evropian. Ai gjithashtu konfirmoi se Bashkimi Evropian dëshiron të importojë në të ardhmen më shumë sojë dhe gaz të lëngshëm nga Shtetet e Bashkuara.
Presidenti amerikan tha: “Ne u takuam pikërisht këtu në Shtëpinë e Bardhë për të filluar një fazë të re në marrëdhëniet midis Shteteve të Bashkuara dhe Bashkimit Europian, një periudhë miqësie të ngushtë dhe marrëdhëniesh të forta tregtare nga të cilat të dy do të fitojmë.”
Junkeri shkoi posaçërisht në Uashington për të shmangur një përshkallëzim të mëtejshëm të mosmarrëveshjeve tregtare. Trampi ka vendosur tashmë dogana të posaçme për importet e çelikut dhe të aluminit. BE u përgjigj me tarifa doganore hakmarrëse ndaj produkteve amerikane si uiski, xhinse dhe motoçikleta. Trampi kishte deklaruar edhe dogana të posaçme edhe për importin e  makinave evropiane, gjë që do të godiste sidomos prodhuesit gjermanë. BE përgatiti për këtë rast masa të mëtejshme hakmarrjeje.

Sicred