KRYEFAQJA » LAJME » Bota » Tramp i Riu për takimin me rusët

Tramp i Riu për takimin me rusët

Djali i Presidentit Donald Trump tha se nuk i kishte treguar babait të tij për një takim që zhvilloi me një avokate ruse, e cila pretendonte se mund të ndihmonte në fushatën zgjedhore. Në një intervistë për “Fox News”, Donald Trump i Riu tha se takimi nuk pati asnjë vlerë, por ai duhej ta kishte menaxhuar ndryshe situatën. Ai gjithashtu tregoi një e-mail ku pranonte ofertën për t’u takuar me avokaten Natalia Veselnitskaja, e cila flitej se kishte lidhje me Kremlinin dhe mund të siguronte materiale dëmtuese për Hillari Clinton. Aktualisht, autoritetet amerikane po hetojnë ndërhyrjen ruse në zgjedhjet amerikane dhe pas muajsh mohime, ekipi Trump detyrohet të pranoje se një prej tyre pati kontakte me rusë, pavarësisht se çfarë u diskutua në takim apo sa i rëndësishëm ishte ai. Trump i Riu disa herë theksoi se nuk i kishte treguar babait të tij për takimin, që sipas tij ishte një humbje kohe. Madje, Donald Trump i Riu tha se nëse mediat nuk do ta kishin publikuar, as që do t’i kujtohej takimi me avokaten ruse.

Sicred