KRYEFAQJA » LAJME » Bota » Sulm në bazën ajrore në Homs, Siria akuzon Izraelin

Sulm në bazën ajrore në Homs, Siria akuzon Izraelin

14 persona kanë humbur jetën gjatë një sulmi të ndërmarrë ndaj një baze ajrore të qeverisë siriane, e quajtur baza T4 ose sic njihet ndryshe aeroporti Tijas, që shtrihet në provincën Homs në qendër të vendit. Sipas Observatorit sirian për të drejtat e njeriut, një organizatë me seli në Britaninë e madhe që monitoron luftën në Siri, forca nga aleatët e regjimit të Asad, si Rusia dhe Irani, si dhe luftëtarë nga grupi libanez Hezbollah, kanë prezencë në bazën ushtarake në fjalë. Observatori Sirian, i cili ka një rrjet të gjerë burimesh, u shpreh se nuk mund të konfirmonte se kush e ndërmorri sulmin ndaj Bazës T4. Ndërkohë, Rusia dhe qeveria siriane kanë fajësuar izraelin për sulmin. Izraeli, i cili ka qëlluar më parë shenjestra siriane, nuk i ka komuentuar këto akuza deri tani. Fillimisht, Siria u shpreh se dyshonte se SHBA-të ishin përgjegjëse për sulmin. Incidenti erdhi pas alarmit ndërkombëtar në lidhje me një sulm të pretenduar kimik në qytetin Duma që kontrollohej nga rebelët e opozitës siriane. SHBA-të dhe Franca kanë kërcënuar se do t’i kundërpërgjigjen sulmit në Duma, qytet që ndodhet në krahinën e Gutës Lindore, afër kryeqytetit Damask. Presidenti amerikan Donald Tramp u shpreh se do të paguhej një çmim i madh për sulmin dhe e cilësoi presdientin sirian Bashar AL Asad si Kafshë. Ndërkohë, janë dorëzuar edhe luftëtarët e fundit rebelë në Duma, të cilët po largohen nga enklava pas arritjes së një marrëveshjeje me qeverinë e vendit të tyre.

Sicred