KRYEFAQJA » LAJME » Shijak, helmohen dasmorët

Shijak, helmohen dasmorët

Afro 50 persona janë helmuar nga ushqimi që kanë konsumuar në një lokal dasme në qytetin e Shijakut. Personat e helmuar kanë shfaqur probleme shëndetësore duke nisur nga pasditja e së hënës, ndërkohë që në repartin infektiv të spitalit rajonal Durrës gjenden të shtruar akoma 12 persona. Pacientët shprehen se kanë qenë në dasëm dhe ushqimi iu është dukur i mirë, por shumë shpejt nisën problemet. Shefja e repartit infektiv Nadire Jani shprehet se pacientët janë shfaqur me diarre dhe temperaturë të lartë, por aktualisht situata e tyre është më e mirë.
Drejtoria e Shëndetit Publik ka nisur inspektimin e lokalit ku është zhvilluar dasma. Autoritetet shëndetësore kanë kërkuar mostra të ushqimit që kanë konsumuar dasmorët, por nga lokali iu është thënë se nuk kanë më asnjë të tillë. Tashmë pritet përfundimit i analizave toksikologjike për të parë se kush e ka shkaktuar helmimin e ushqimit. Nëse do të vërtetëtohet se helmimi është shkaktuar nga ushqimi, pritet që të merren masa administrative ndëshkuese ndaj pronarit të lokalit. Një ditë më parë për këtë çështje ka nisur hetimet edhe policia, e cila ka marrë në pyetje pacientët e paraqitur në spital.

Sicred