SHBA dhe OSBE, reagim për sulmin ndaj gazetares Klodiana Lala dhe familjes së saj

Edhe Ambasada Amerikane në Tiranë ka dënuar sulmin ndaj gazetares Klodiana Lala dhe familjes së saj. Në reagimin zyrtar, ambasada e SHBA-së nxit autoritetet shqiptare të kryejnë një hetim tërësor dhe transparent për të nxjerrë autorët përpara drejtësisë. Duke vlerësuar rolin e gazetares në mbulimin e reformës në drejtësi, çështjeve të gjyqësorit dhe veprimtarisë kriminale, ambasada amerikane në Tiranë thekson se fakti që ajo u vu në shënjestër demonstron rëndësinë e punës së saj – sjellja e së vërtetës tek populli shqiptar. “Akte frikacake si ky tregojnë se kriminelët kanë frikë sa më shumë Shqipëria i afrohet një drejtësie të vërtetë”-, përfundon qëndrimi i ambasadës amerikane. Ka ardhur edhe reagimi i Delegacionit te BE ne Tirane. Me ane te nje postimi ne “twitter”, delegacioni i BE denon sulmin duke perseritur mbeshtetjen per gazetaret,ndersa kerkon hetim sa me te shpejte per ngjarjen. Sulmi ndaj familjes së gazetares është dënuar sot edhe nga OSBE e cila shprehet se dhuna kundër gazetarëve është shenjë shumë negative për shëndetin dhe lirinë e shoqërisë. Per kete ngjarje kryeprokurorja Arta Marku shpreh shqetesimin per sulmin ndaj familjareve te gazetares Klodiana Lala . Kryeprokurorja nxit dhe mbeshtet plotesisht hetimin transparent per te vene perpara drejtesise autoret e sulmit.