KRYEFAQJA » LAJME » Kulturë » “RTSH Fëmijë” nis transmetimin

“RTSH Fëmijë” nis transmetimin

RTSH do t’ju japë fëmijve shqiptarë një kanal televiziv vetëm për ta. Ai do të quhet “RTSH Fëmijë” dhe do të fillojë transmetimet në festën e fëmijëve, në datën 1 Qershor. Programacioni i tij është pa ndalesë prej 24 orësh dhe u kushtohet vetëm fëmijëve nga mosha 2-15 vjeç. Ela Gjoni e “RTSH Fëmijë” thotë se veçantë e këtij kanali të ri është transmetimi i krijimeve për fëmijë që RTSH ka realizuar në vite. Bëhet fjalë për teatrot e kukullave, filmat vizatimorë, por do të ketë edhe klasikët e mëdhenj ndërkombëtarë për fëmijë “Tomi dhe Xherri” , “Garfilld”, Maçoku me çizme etj. Sipas Gjonit fëmijët e sotëm do të kenë mundësi të kthehen në kohë për të parë filmat dhe programet që kanë parë prindërtit, apo edhe gjyshërit e tyre kur kanë qenë fëmijë.
Teksa fëmijët e sotëm do të kenë mundësi të njihen më mirë e të shohin mjaft prej asaj që kanë parë e mënyrës se si janë edukuar në fëmijëri prindërit e tyre, a do të krijojë “RTSH Fëmijë” edhe programe të reja për ta? Ela Gjoni redaktore e “RTSH Fëmijë” thotë se një nga synimet e kanalit më të ri të RTSH është të ketë edhe prodhime që mbajnë vulën e tij.
“RTSH Fëmijë” nis më 1 qershor duke ju bashkuar platformës digjitale të RTSH prej 11 kanalesh që është prej kohësh në transmetim në një cilësi të lartë HD në të gjithë vendin.