KRYEFAQJA » LAJME » Rama në 26 vjetorin e PS kërkon mbështetje masive për socialistët
Rama në 26 vjetorin e PS kërkon mbështetje masive për socialistët

Rama në 26 vjetorin e PS kërkon mbështetje masive për socialistët

Kryetari i PS, Edi Rama ka shfrytëzuar 26 vjetorin e themelimit të PS, partia më e madhe në Shqipëri, për të bërë thirrje për një mbështetje masive zgjedhjet e 25 qershorit, të cilat ai i konsideroi historike. “Kemi të gjitha arsyet që të vazhdojmë deri në 25 qershor të kërkojmë nga njerëzit një besim të ripërtërirë me një votë shpresoj edhe më të fuqishëm se ajo e 4 viteve më parë ku morëm një mandat për të bashkëqeverisur të cilin kam bindjen se e kemi justifikuar me reformat e mëdha, për të vendosur themelet e një shtëpie të re, modern të shtetit shqiptar” tha zoti Rama në cermoninë e rastit që u mbajt në selinë e PS.
Ai këmbënguli se “Zgjedhjet e 25 qershorit janë zgjedhje që përcaktojnë jo thjesht kush do qeverisë në 4 vitet e ardhshëm, por si do jetë Shqipëria për të paktën pas një dekade”. “Janë zgjedhje historike, sepse janë zgjedhje mes mundësisë reale për të filluar bisedimet me BE dhe për të vazhduar me vendosmëri dhe me më shumë punë për të rritur ekonominë dhe për të rritur edhe punësimin” u shpreh zoti Rama. Edhe një herë ai përmendi premtimin e rritjes së ekonomisë mbi 5 përqind, çka sipas tij do të preki ekonomitë familjare të shqiptarëve.

Sicred