KRYEFAQJA » LAJME » Bota » Protestat kundër presidentit në Haiti, të paktën katër të vrarë

Protestat kundër presidentit në Haiti, të paktën katër të vrarë

Të paktën katër persona janë vrarë dhe dhjetëra të tjerë janë plagosur në protestat që kanë hyrë në ditën e katërt në kryeqytetin, Port-au-Prince të Haitit si dhe qytete tjera tëvendit. Protestuesit opozitarë kanë djegur goma dhe kanë hedhur gurë, duke i bërë thirrje presidentit të këtij shteti, Jovenel Moise që të japë dorëheqje. Ata akuzojnë Moise dhe zyrtarë tjerë për korrupsion, ndaj mijëra persona kanë pushtuar rrugët e këtij shteti. Pakënaqësitë kanë detyruar kryetarët e disa qyteteve që të anulojnë organizimin e karnevaleve, që ishte planifikuar të mbahen në fillim të muajit mars. Moise, ka qenë në pushtet nga viti 2017. Së fundmi, ai i ka bërë thirrje opozitës që të zhvillojnë negociata. Grupet opozitare në anën tjetër kanë thirrur këto protesta, pasi një raport i një gjykate ka ngritur supozime se zyrtarë dhe ish-ministra kanë keqpërdorur kreditë për zhvillim që i janë dhënë këtij shteti nga Venezuela pas vitit 2008. Në raport është pretenduar se edhe presidenti Moise ka qenë i përfshirë në këto parregullësi. Haiti është shteti më i varfër në Karaibe dhe 60 për qind e popullsisë jeton me më pak se 2 dollarë në ditë.

Sicred