KRYEFAQJA » LAJME » Protesta e studentëve, Ahmetaj: Që në 1 Janar ulim tarifat e universitetit!

Protesta e studentëve, Ahmetaj: Që në 1 Janar ulim tarifat e universitetit!

Ministri i Ekonomisë dhe Financave, Arben Ahmetaj, tha në emisionin “Përballë” të gazetarit Lutfi Dervishi në RTSH se qeveria është e gatshme të plotësojë kërkesën e studentëve për uljen e tarifave që në fillim të vitit të ardhshëm. “Tarifat, që nga 1 janari. Rritjen e subvencionimit nga ana e qeverise që shkon rreth 15 milion dollarë, jemi të gatshëm ta bëjmë menjëherë”, – u shpreh Ahmetaj.

Sa i përket rritjes së buxhetit për arsimin në 5% të PBB, Ahmetaj tha se plotësimi i kësaj kërkese kërkon kohë. “Është e mundur, por 5% kërkon kohën e vet ndër vite,”- tha Ahmetaj, ndonëse nuk pranoi se premtimi i PS për ta çuar buxhetin për arsimin 5% të PBB, parashikonte përmbushjen brenda një mandati qeverisës.

Zoti Ahmetaj komentoi edhe kthimin e Buxhetit 2019 në parlament nga Presidenti i Republikës. “Presidenti ka bërë edhe politikë me atë kthim sepse nuk ka nevojë të kthehet buxheti. Janë instrumentat që na japin mundësi që ne të akomodojmë kërkesat e studentëve, – tha ministri Ahmetaj në RTSH.

Sicred
WP Facebook Auto Publish Powered By : XYZScripts.com