KRYEFAQJA » LAJME » Prokuroria kërkon 9 vjet heqje lirie për ish kreun e Bashkisë së Vlorës Gjika
Prokuroria kërkon 9 vjet heqje lirie për ish kreun e Bashkisë së Vlorës Gjika

Prokuroria kërkon 9 vjet heqje lirie për ish kreun e Bashkisë së Vlorës Gjika

Prokuroria e Vlorës ka kërkuar 9 vjet heqje lirie për Shpëtim Gjikën ish kreu i Bashkisë së Vlorës në vitet 2003-2015, në akuzën e shpërdorimit të detyrës. Hetimet ndaj tij kanë nisur disa vite më parë nën akuzat e dhënies së lejeve të ndërtimit në mënyrë të paligjshme dhe falsifikimit të dokumenteve. Çështja ishte mbyllur në vitin 2014, por u rihap sërish në vitin 2015. Më së shumti hetimet rinisën për dhënien e lejes së ndërtimit për një pallat 11-katësh në qytetin bregdetar. Për dy bashkëpunëtorët e Gjikës, Doriana Sulajn dhe Artur Harxhin, dy ish zyrtarë të Bashkisë së Vlorës, prokuroria kërkon 6 vjet heqje liri. Prokuroria ka kërkuar gjithashtu edhe konfiskimin dhe kalimin në favor të shtetit të produkteve të veprës penale, më konkretisht pallatit 11 katësh në qytetin e Vlorës. Tashmë pritet fjala e mbrojtjes dhe më pas vendimi i gjykatës.
Ish kreu i Bashkisë së Vlorës Shpëtim Gjika i ka hedhur vazhdimisht akuzat poshtë duke i cilësuar ato të motivuara politikisht dhe për interesa biznesi.

Sicred