KRYEFAQJA » LAJME » Bota » Pritet flaka olimpike në Japoni

Pritet flaka olimpike në Japoni

Flaka olimpike pritet të vijë shumë shpejt në Japoni, vendin ku do të organizohen lojërat olimpike verore në 2020. Ministri përgjegjës për ndërtimin i Japonisë, Masayoshi Joshino, është ngarkuar të mbikëqyrë punimet që po bëhen në zonat e prekura nga tërmeti që goditi Japoninë. Në një konferencë për shtyp ai u shpreh se ardhja e pishtarit olimpik i ka detyruar që t’i mbarojnë më shpejt punimet dhe t’i tregojnë gjithë botës se çfarë kanë bërë. “Ardhja e pishtarit olimpik do të na mundësojë t’i tregojmë gjithë botës rindërtimet e jashtëzakonshme që kemi bërë në Japoni pas fatkeqësisë natyrore” – tha ministri. ndërsa presidenti i Komitetit Organizativ të Lojërave Olimpike “Tokio 2020” Joshiro Mori u shpreh: “pishtari olimpik do të kalojë në tre prefekturat Ivate, Fukushima dhe Mijagi – më të goditurat nga tërmeti. Koncepti i pishtarit përkon mjaft mirë me atë çka ndodhi në vendin tonë dhe me atë çka ai kërkon të përcjellë: Shpresoj të ndriçojë rrugën tuaj – janë lajtmotivi i këtij aktiviteti madhor ndërkombëtar sportiv” – tha në fund të prononcimit të tij presidenti i Komitetit organizativ të olimpiadës së Tokios që do të bëhet në 2020.

Sicred