Presidenti Meta nderon violinisten Gega

Violinistja dhe docentja Ervis Gega Dodi u nderua  nga presidenti i republikës Ilir Meta me urdhërin ”Naim Frashëri”. Zoti Meta që ndodhet në Berlin për  vizitë pune, u takua  me bashkëatdhetarë dhe në pritjen e vaçantë nderoi violinisten Ervis Gega për  veprimtarinë  e saj  në gati tre dekada në Gjermani.

Violinistja Gega gjithashtu ka një karrierë 18 vjeçare në  mësimdhënie në  Universitetin  Johanes Gutenberg, në Konservatorin e Muzikës Peter Kornelius, në Akademinë më të madhe të Muzikës së Dhomës Villa Musika etj.

Profesoresha  Ervis Gega-Dodi ka bërë një emër të shquar e të vlerësuar në komunitetin e docentëve të muzikës në Evropë dhe vetëm pak ditë më parë Universiteti-Johanes Gutenberg Mainz në Gjermani e  nderoi  violinisten dhe docenten Ervis Gega Dodi me çmimin më të lartë për mësimdhënësit e muzikës.