KRYEFAQJA » LAJME » Polemikat për hipotekat, Ministri i Drejtësisë nis hetimin administrativ
Ish ministri i PD: Prokuroria duhet ti fusë hetimet e "Çështjes Xhafa" në drejtimin e duhur!

Polemikat për hipotekat, Ministri i Drejtësisë nis hetimin administrativ

Ndërsa krerë të PS dhe LSI po polemizojnë lidhur me përgjegjësinë në vonesat për marrjen e çertifikatave të pronësisë të disa banorëve në Vorë, Ministri i Drejtësisë Gazmend Bardhi, i cili ka urdhëruar nisjen e një hetimi administrativ. Në një deklarim të tij zoti Bardhi “…siguron të gjithë banorët e Bashkisë Vorë, se nëse konstatohet shkelje nga punonjësit e Zyrës Vendore të Regjistrimit të Pasurive të Paluajtshme, do të marren masa të menjëhershme disiplinore për secilin prej tyre”. Ndërkaq ai i siguron qytetarët se pajisja me çertifikatë pronësie do të trajtohen në përputhje dhe brenda afateve të caktuar nga ligji.
Por zoti Bardhi shkon edhe më tej. Ai duke i bërë thirrje çdo subjekti politik të ndal përdorimin e çështjeve që përfshihen brenda fushës së veprimtarisë së Ministrisë së Drejtësisë, për qëllime politike apo elektorale. Ministri teknik i drejtësisë fton çdo subjekt politik që ka informacion për pengime artificiale që i bëhen qytetarëve për qëllime politike apo shkaqe të paligjshme, të informojë menjëherë Ministrinë e Drejtësisë. Ministri Gazmend Bardhi “…siguron se është i vendosur në zbatimin e ligjit dhe do të veprojë me tolerancë zero për çdo tentativë përdorim të paligjshëm që i bëhet veprimtarisë institucionale të Ministrisë së Drejtësisë, nga subjekte zgjedhore”.

Sicred