KRYEFAQJA » LAJME » Bota » Observatori sirian, bilanci i frikshëm për viktimat e luftës
siri, armepushim, bota

Observatori sirian, bilanci i frikshëm për viktimat e luftës

Më shumë se 340 000 persona, prej të cilëve 100 000 civilë, janë vrarë që prej fillimit të luftës në Siri në vitin 2011, theksoi Observatori sirian për të Drejtat e Njeriut. Ky bilanc i ri u njoftua në një kohë kur disa fuqi të huaja kanë intensifikuar përpjekjet e tyre diplomatike në përpjekje për t’i dhënë fund konfliktit të përgjakshëm dhe jane prej disa  disa ditësh ne bisedime për paqe nën drejtimin e OKB-së në Gjenevë. Observatori sirian për të Drejtat e Njeriut që disponon një rrjet të gjerë burimesh në vendet në luftë, ka dokumentuar vdekjen e 343 511 personave në territorin sirian nga mesi i muajit mars 2011 dhe fillimi i muajit nëntor 2017. “Mes tyre bëjnë pjesë 102 618 civilë, 19 000 prej të cilëve fëmijë dhe 12 000 gra”, theksoi i njëjti burim. Gjatë këtyre katër muajve të fundit, rreth 12 000 persona janë vrarë në të gjithë territorin sirian. Shpërthyer në vitin 2011 me shtypjen e manifestimeve paqësore nga regjimi, konflikti në Siri u bë më kompleks me përfshirjen e vendeve të huaja dhe grupeve xhihadiste, në një territor gjithnjë e më të copëtuar.

Sicred