KRYEFAQJA » LAJME » Në Ditën Ndërkombëtare për Eleminimin e Diskriminit Racor, presidenti Meta kërkon tolerancë, gjithëpërfshirje dhe respekt ndaj çdo njeriu
Në Ditën Ndërkombëtare për Eleminimin e Diskriminit Racor, presidenti Meta kërkon tolerancë, gjithëpërfshirje dhe respekt ndaj çdo njeriu

Në Ditën Ndërkombëtare për Eleminimin e Diskriminit Racor, presidenti Meta kërkon tolerancë, gjithëpërfshirje dhe respekt ndaj çdo njeriu

Me rastin e Ditës Ndërkombëtare për Eleminimin e Diskriminit Racor, presidenti Ilir Meta, priti në selinë e presidencës një grup studentësh të komunitetit rom dhe egjiptian, si dhe përfaqësues të stafit të shoqatës “Roma Versitas Albania”. Presidenti Meta tha se “sot është dita për të qenë më të përgjegjshëm dhe më humanë, për të pasur një shoqëri më të bashkuar për sfidat që na presin. Është detyrë e të gjithëve ne, të promovojmë tolerancën, gjithëpërfshirjen dhe respektin ndaj çdo njeriu pavarësisht komunitetit që i përket. Vendi ka nevojë për një shoqëri të drejtë, pa asnjë lloj paragjykimi etnik, fetar e kulturor, sepse çdo njeri ka të drejtën për barazi dhe jodiskriminim si gurë themeli të të drejtave të njeriut” tha kreu i shtetit.
Presidenti Meta theksoi se “e ardhmja e vendit varet nga rinia e familjeve të thjeshta të shoqërisë që kanë aspirata të mëdha. Integrimi më i sigurtë është ai përmes arsimimit. Ndaj për mua është kënaqësi të shikoj midis jush inxhinierë, mjekë, infermierë, psikologë, arkitektë apo ekonomistë të ardhshëm të vendit”. “Jam i sigurtë se do të bëheni lider dhe shembulli i duhur për t’u ndjekur nga qindra e mijëra të rinj të komuniteteve tuaja”, tha zoti Meta. Të ftuarit e zotit Meta e njohën me problematikat e tyre dhe falenderuan për angazhimin e tij për të qenë përherë në mbështetje të rinisë.

Sicred