KRYEFAQJA » LAJME » Kulturë » Mike del Ferro, muzikanti që fitoi lirinë përmes jazzit

Mike del Ferro, muzikanti që fitoi lirinë përmes jazzit

Mike del Ferro, i lindur në Amsterdam, konsiderohet sot një nga pianistët dhe kompozitorët më të sukseshëm europianë që eksperimenton në rrymën e jazzit. Pasi ka vizituar më shumë se 117 vende të botës, në Shqipëri e sjell për herë të tretë festivali jazz.
Edhe pse me një formim rigoroz klasik në familjen e tij, Mike del Ferro ka zgjedhur lirinë e jazzit për tu shprehur. “Kur nisa të luaj piano si femijë, ishte e qartë se do të bëhesha një muzikant klasik dhe gjatë femijërisë time kam luajtur shumë muzike klasike. Por në moshën 17 vjeçare fillova të dëgjoj shumë jazz. Edhe pse e dua dhe flirtoj me muzikën klasike, në të njëjtën kohë me mungonte një lloj lirie. Dhe atë liri e gjeta duke luajtur jazz sepse mund të ulesh direkt në skenë dhe të krijosh diçka të re aty për aty” tregon Mike del Ferro për gazetaren Mira Tuci të RTSH.
Një bashkëpunim me saksofonistin Ermal Rodi, e ngjit atë në skenën shqiptare për herë të tretë veçse kësaj here edhe me pak tinguj etnojazzi nga këngët shqiptare, ku sigurisht ai ka një të preferuar. “Ermali me dergoi linqet në youtube nga këngët që luan me bandën e tij dhe kenga “Lulet e Tiranës” me mahniti. Tek to ndjen ritmin ballkanik dhe u dashurova me atë valëzim. Dhe thashe pse jo le të luajmë disa prej këngëve tuaja” thotë Mike del Ferro. “Respekti dhe dashuria ime për muzikën etnojazz është e madhe sepse kam zbuluar muzikë të mrekullueshme kudo në botë të cilën shumë prej nesh nuk kanë mundesi ta njohin” shton ai.
Mike del Ferro i cili ka ngritur karrierën e tij muzikore mbi bashkëpunimet, beson fort se përmes muzikës mund të ndërtohen ura edhe mes kulturash që normalisht nuk takohen me njëra- tjetrën. Ai ia ka dalë me guxim të kombinojë elementet e tingujve të rreptë të muzikës perëndimore me improvizimet e jazzit duke i lënë hapësirë edhe strukturave muzikore tradicionale nga Azia, Amerika Latine dhe ajo afrikane. Mike del Ferro ka bashkëpunuar edhe me emrat më të mëdhenj të jazzit botëror si Oscar Castro Neves, Scott Hamilton e deri te Richard Galliano.

Sicred