KRYEFAQJA » LAJME » Bota » Merkel takon Putim, në diskutim projekti ” Nord Stream 2″
Merkel takon Putim, në diskutim projekti

Merkel takon Putim, në diskutim projekti ” Nord Stream 2″

Presidenti rus Vladimir Putin dhe kancelarja gjermane Angela Merkel u takuan të shtunën në Berlin. Liderët diskutuan projektin e tubacionit të gazit Nord Stream 2, të cilin Trump e quajti një “gabim të tmerrshëm”. Takimi ka gjasa të shkaktojë zemërim nga administrata Trump, pasi presidenti amerikan tha se ishte një “tragjedi” që Gjermania kishte rënë dakord për marrëveshjen e tubacionit me Rusinë. Presidenti rus, Vladimir Putin dhe kancelarja gjermane, Angela Merkel, diskutuan gjithashtu edhe në lidhje me bisedimet për konfliktin në Ukrainë dhe Siri. Merkel ka paralajmëruar që të mos ketë pritje të mëdha nga diskutimet e saj me Putin. “Ne duam rapote të mira me Rusinë”, tha Merkel për gazetarët. “Është një takim pune, prej të cilit nuk priten rezultate, por numri i problemeve të përbashkëta që na brengos, si Siria dhe Ukraina, si dhe bashkëpunimi ekonomik, janë aq të mëdha sa që na detyron të jemi në dialog të përhershëm”. “Rusia ka influencë të madhe në këto cështje dhe ne duam vetëm zgjidhje paqësore, ne do të tentojmë t’i arrijmë ato vetëm me diskutime”, tha Merkel. Të dy liderët herën e fundit ishin takuar në Soci në maj.

Sicred