KRYEFAQJA » LAJME » Bota » Merkel: E vendosur për vazhdimin e marrëveshjes mbi klimën

Merkel: E vendosur për vazhdimin e marrëveshjes mbi klimën

Kancelarja gjermane, Angela Merkel, tha se Bashkimi Evropian “është më i vendosur se kurrë për ta shndërruar Marrëveshjen e Parisit për Klimën në sukses”. Duke folur para Parlamentit gjerman, Merkel tha se BE qëndron pas angazhimeve që parasheh marrëveshja dhe se ajo “është e pakthyeshme dhe e panegociueshme”. Më 1 qershor, presidenti i Shteteve të Bashkuara, Donald Trump, ka vendosur të tërheqë SHBA-në nga Marrëveshja e Parisit për Klimën, e nënshkruar në vitin 2015 nga 195 vende. Marrëveshja është pakti i parë ligjor për luftimin e ndryshimeve klimatike. Me të, pothuajse çdo vend ka rene dakord vullnetarisht per te reduktuar emetimet e gazrave serë – akumulimi i të cilave besohet se ngroh planetin. Trump ka thënë se kjo marrëveshje është në dëm të industrisë amerikane. Merkel do të jetë pritese e samitit të G20-ës, apo grupit të vendeve më të industrializuara, muajin e ardhshëm në Hamburg, ku çështja klimatike pritet të jetë pjese kryesore e agjendës.

Sicred