KRYEFAQJA » LAJME » Mediat ndërkombëtare për zgjedhjet 2017
Mediat ndërkombëtare, për zgjedhjet, zgjedhjet 2017, new york times, reuters

Mediat ndërkombëtare për zgjedhjet 2017

Një test i rëndësishëm drejt rrugës europiane! Kështu i konsiderojnë mediat prestigjioze ndërkombetare zgjedhjet parlamentare që po zhvillohen në Shqipëri. Me praninë e vëzhguesve, për agjensinë e lajmeve Reuters këto zgjedhje do të jenë gjithashtu një provë e besueshmërisë demokratike të vendit, ku nxitja e reformave gjyqësore është jetike për anëtarësimin e ardhshëm në Bashkimin Europian. Të njëjtin qëndrim ndan edhe rrjeti mediatik Euroneës. Këto zgjedhje të përgjithshme do të shërbejnë si një test për të vlerësuar gatishmërinë e Shqipërisë për t’u anëtarësuar në Bashkimin Europian dhe pavarësisht rezultatit përfundimtar, dy kandidatët kryesorë nga Partia Socialiste dhe ajo Demokratike kane prëmtuar se do t’i kërkojnë bashkarisht Brukselit të avancojë me negociatat për anëtarësim. E përditshmja franceze Le Monde gjithashtu i vlerëson këto zgjedhje si përcaktuese të marrëdhënieve të ardhshme të Shqipërisë me Bashkimin Europian. Ndërkohë, agjensitë prestigjioze të lajmeve Associated Press dhe Deutsche Welle e kanë parë këtë fushatë zgjedhore si të përmbajtur. Mungesa e posterave të fushatës dhe prania e posterave ku urohet Ramazani për qytetarët e besimit musliman, bëjnë të duket sikur Shqipëria nuk po i drejtohet sot qendrave të votimit. Në një analizë të situatës parazgjedhore dhe peripecive të kaluara nga partitë për të ardhur deri ne ditën e sotme, edhe Deutsche ëelle vlerëson se nga këto zgjedhje, ajo që është e përbashkët për të gjitha partitë, është fakti se rruga politike e Shqipërisë shkon drejt Bashkimit Europian. Gazeta prestigjioze amerikane “The New York Times” shkruan “Shqiptarët votojnë në zgjedhjet e përgjithshme që ndjekin një marrëveshje të rëndësishme midis dy partive më të mëdha politike, të cilat vendosën të linin pas mosmarrëveshjet për t’u fokusuar në perpjekjet e anëtarësimit të Shqipërisë në Bashkimin Evropian”. Mbajtja e zgjedhjeve të lira dhe të ndershme është çelësi për nisjen e bisedimeve për anëtarësimin e kombit prej 2.9 milionë banorësh, vazhdon më tej gazeta, “The New York Times”.

Sicred