KRYEFAQJA » LAJME » MAS, procedim për 10 drejtues që kanë marrë pjesë në fushatë
MAS, procedim për 10 drejtues që kanë marrë pjesë në fushatë

MAS, procedim për 10 drejtues që kanë marrë pjesë në fushatë

Ministria e Arsimit dhe Sportit ka kërkuar nisjen e procedimit disiplinor për 10 drejtues arsimorë, në disa qytete të vendit pasi sipas saj ka dyshime të arsyeshme për përfshirje në fushatë zgjedhore. Njoftimi ka dalë nga ministrja teknike e Arsimi dhe Sportit Mirela Karabina. Bëhet fjalë për gjashtë përgjegjës zyre në drejtoritë rajonale dhe 4 drejtorë arsimi. Pranë Komisionit Disiplinor për verifikimin e shkeljeve ligjore po përcillen  shkeljet e përsëritura dhe të bëra publike më parë. Me këtë rast Ministria e Arsimit dhe Sportit kërkon nga të gjithë punonjësit e administratës arsimore të vijojnë të kryejnë me përgjegjshmëri detyrat dhe veprimtaritë, në përputhje me legjislacionin në fuqi. Në fillim të këtij muaji MAS mori në shqyrtim sjelljen e tre drejtuesve arsimorë dhe një punonjësi që dyshej se kishin shkelur ligjin dhe kishin marrë pjesë në fushatën zgjedhore.

Sicred