KRYEFAQJA » LAJME » Maqedoni, Gruevski pritet të krijojë qeverinë re
Maqedoni, Gruevski pritet të krijojë qeverinë re

Maqedoni, Gruevski pritet të krijojë qeverinë re

Edhe pas rivotimit të një dite më parë në Tearcë, rezultatet e zgjedhjeve të parakohshme të 11 dhjetorit në Maqedoni, nuk kanë ndryshuar. Rezultatet përfundimtare janë zyrtarizuar nga Komisioni Shtetëror i Zgjedhjeve mbrëmjen e kaluar. Sipas tyre VMRO-DPMNE ka fituar 51 mandate, LSDM 49, BDI 10, Lëvizja BESA 5, Aleanca Për Shqiptarët 3 dhe PDSH 2 mandate deputetësh.
Sipas kushtetutës së Maqedonisë, presidenti Gjorge Ivanov brenda 20 ditësh duhet të thërrasë fituesin e zgjedhjeve, Nikola Gruevskin, kreun e VMRO-së, për ta mandatuar për formimin e Qeverisë se re.
Por VMRO-DPMNE duhet të sigurojë 61 deputetë për formimin e Qeverisë. Ftesa e parë për bashkëpunim pritet ti drejtohet BDI-së, e cila ka siguruar 10 deputetë në parlament. Por pak ditë më parë, një pjesë e partive shqiptare u mblodhën në një tryezë ku ranë dakord për hartimin e një platforme kushtesh për të marrë pjesë në një qeveri europiane, siç tha lideri i BDI-së, Ali Ahmeti.
Ndërkaq kanë filluar kalkulimet politike dhe matematikore, por të gjitha kanë si faktor të përbashkët partitë politike shqiptare.

Sicred