KRYEFAQJA » LAJME » Kutillo: “Besoj se Shqipëria do të marri përgjigje pozitive për negociatat”

Kutillo: “Besoj se Shqipëria do të marri përgjigje pozitive për negociatat”

Ambasadori i Italisë në Shqipë, Alberto Kutillio nga Shkodra ka folur për hapjen e negociatave të Shqipërisë me BE. Në një prononcim për mediat, ai tha se i takon qeverisë dhe popullit shqiptar që të bindin vendet skeptike në këtë kohë që ka mbetur.
“Mendoj që po, pasi pjesa më e madhe e vendeve janë mbështetese të hapjes së negociatave. Ato pak që janë në dyshim, mund të ndërrojnë mendje, por varet nga qeveria dhe qytetaret për këtë periudhë të mbetur që tu ndryshojnë mendje skeptikeve. E di që ka sforco, por jam besimplotë se mund të bëni këtë hap të fundit për të marrë një përgjigje pozitiv këtë fund qershori” tha zoti Kutillio.
Duke folur për raportet mes mazhorancës dhe opozitë, ambasadori italian tha se “… është normale të mos jenë dakort, ndodh kudo. E rëndësishme dhe besoj që ka ndodhur deri tani, që raportet të mbesin korrekte. Por Europën duhet më shumë solidaritet”.
Lidhur me “Reforma në drejtësi” zoti Kutillo u shpreh se “Besoj se reforma e drejtësisë që po bën Shqipëria nuk ka precedent në historinë Europiane, ndoshta s’ka askund. Eshtë reformë e thellë dhe vendimtare, por që has në vështirësi në fazën aktuale fillestare. Më shqetëson më shumë fakti i akuzave se mazhoranca po kontrollon drejtësinë, që nuk me rezulton se i përket realitetit, por ajo që më shqeteson është fakti i mos-kompletimit të gjykatës kushtetuese, që janë të paralizuar për një periudhe kohe deri në zgjedhjen e kandidateve të ri, që kalojnë në vetting. Por natyrshëm ky është çmim që duhet paguar për një reformë kaq të thellë”.
Duke folur për procesin gjyqësor në Katania, ambasadori italian në Tiranë Alberto Kutillo tha se “…është një proces që po ecen përpara, që nuk është direkt për ministrin Tahiri, por di atë që dini ju”.
Zoti Kutillo ka folur edhe mbi zhvillimet e fundit në Itali. “Qeveria re lind në bazë të një akordi mes forcave politike, që nuk bën të mendosh asnjë ndryshim në marrëdhëniet me jashtë. Edhe figura e ministrit të jashtëm ma jep këtë garanci të vazhdimësi të politikës jashtme” spjegoi ai.
Mbi klandestinet ai tha se “për atë që kam lexuar, fenomeni është ende i limituar. Sa herë mbyllet një rrugë hapet një e re. Është një lojë që duhet ndjekur hap pas hapi. Autoritetet shqiptare po e ndjekin sic duhet dhe Italia do të jetë e gatshme t’iu ndihmojë nëse është e nevojshme”.
Deklaratat e ambasadorit Italian u bënë në Shkodër gjatë kremtimit të festës së Italisë.

Sicred