KRYEFAQJA » LAJME » Bota » Itali, presidenti mandaton Roberto Ficon

Itali, presidenti mandaton Roberto Ficon

Presidenti i Italisë, Sergio Mattarella i ka dhënë mandatin e përkohshëm të kryeministrit eksponentit të Lëvizjes 5 Yjet, Roberto Fico. Fico do të ketë për detyrë eksplorimin e mundësive për gjetjen e një aleancë mes Partisë Demokratike dhe 5 Yjeve. Bëhet fjalë për përpjekjen e dytë të kreut të shtetit për të zgjidhur ngërçin politik post-zgjedhor, pasi ngarkoi më herët me të njëjtën detyrë Maria Elisabetta Casellatin. Hipoteza për një marrëveshje mes demokratëve dhe partisë së themeluar nga Bepe Grillo kundërshtohet nga lideri i Forza Italia, Silvio Berlusconi, që pretendon të drejtën për drejtimin e ekzekutivit, pas fitores së koalicionit të djathtë më 4 Mars. Ndërkohë, përveç mundësisë për të gjetur një dakordësi mes demokratëve dhe 5 Yjeve, nuk përjashtohen alternativat e tjera, bëjnë të ditur mediat italiane. Roberto Fico ka deklaruar se do të nisë menjëherë punën dhe ka nënvizuar se pika kyçe e misionit të tij do të jenë interesat e vendit.

Sicred