KRYEFAQJA » LAJME » Identifikohet autori i atentatit në Shkodër, shpallet në kërkim

Identifikohet autori i atentatit në Shkodër, shpallet në kërkim

Kamerat e sigurisë të ndodhura në zonën ku u plagos me armë zjarri 44-vjeçari Syri Mehmetaj në qytetin e Shkodrës, gjatë ditës së hënë, kanë zbuluar edhe atentatorin e ngjarjes. Një 29-vjeçar u identifikua dhe u shpall në kërkim për plagosjen e Mehmetaj. Lajmi u bë i ditur nga policia lokale, e cila sot sqaroi dhe dinamiken e atentatit. Sipas policisë, dje rreth orës 11:50 në Spitalin Rajonal Shkodër, ka shkuar i plagosur me armë zjarri 44-vjeçari Syri Mehmetaj. Menjëherë nga ana e shërbimeve policore u identifikua vendi i ngjarjes, ku në vendngjarje u gjetën 2 gëzhoja, të cilat u sekuestruan në cilësinë e provës materiale. Në bazë të pamjeve filmike të cilat janë sekuestruar në cilësinë e provës materiale, rezulton se autori i dyshuar, Skënder Daija është nisur me automjetin tip “Mercedez Benz” me targë AA 888 AT, dhe më pas dyshohet se ka qëlluar në drejtim të 44-vjeçarit, i cili po lëvizte me automjetin tip “Benz” me targë AA 031 NL. I plagosuri ndodhet në Spitalin Rajonal Shkodër jashtë rrezikut për jetën. Ndërkohë vijojnë kërkimet për autorin për të sqaruar motivin e ngjarjes.

Sicred