KRYEFAQJA » LAJME » Grabitje në Aeroportit Ndërkombëtar “Nënë Tereza” në Tiranë
Qeveria do të rishikojë kontratën koncensionare të Aeroportit "Nënë Tereza"

Grabitje në Aeroportit Ndërkombëtar “Nënë Tereza” në Tiranë

Tre persona të armatosur dhe të maskuar, kanë hyrë në terminalin e aeroportit ndërkombëtar  “Nënë Tereza” në Tiranë, kanë kryer një grabitje dhe janë larguar. Lajmi bëhet i ditur nga burime mediatike, por nuk është konfirmuar nga policia. Ngjarja ka ndodhur rreth orës 15 të së enjtes dhe ka për bazë thëniet e dëshmitarëve për media të ndryshme. Sipas tyre bëhet fjalë për grabitjen e një shume të konsideruar parash, por është ende e pa qartë se ku dhe si ato janë grabitur. Në aeroporti funksionojnë disa restorante, kafene dhe agjensi udhëtimesh. Ka dyshime se objekt i sulmit mund të jenë kompani që operojnë në sektorin bankar dhe shumta e tyre që do transportoheshin jashtë Shqipërisë. Grabitësit janë larguar dhe më pas mjeti i tyre është gjetur në flakë. Ngjarja ndodh pikërisht kur ishte njoftuar rritja e shkallës së gadishmërisë në aeroport, pas ngjarjeve terroriste në Aeroportin “Ataturk” të Stambollit dy ditë më parë.