KRYEFAQJA » LAJME » Bota » Franca heton miliarderin Rus Sulejman Kerimov

Franca heton miliarderin Rus Sulejman Kerimov

Një deputet miliarder rus është nën hetim në francë pasi dyshohet se ka kryer evazion fiskal. Sulejman Kerimov, një nga njerëzit më të pasur të Rusisë, u arrestua mbrëmjen e së hënës në Nisë. Rusia kërkoi sqarim nga ambasada franceze në Moskë, si shenjë proteste për ndalimin e Kerimov, por miliarderi u lirua nën kushte të rrepta. – Do të zbatojmë të gjitha përpjekjet maksimale që të mbrojmë interesat e tij ligjore, – u shpreh një zëdhënës i Kremlinit, i cili gjithashtu argumentoi se zoti Kerimov gëzonte imunitet diplomatik, çka i vendos personat që gëzojnë këtë lloj imuniteti mbi ligjin e vendit në të cilin ata punojnë. – Është e rëndësishme që Sulejman Kerimov ka një pasaportë diplomatike, të cilën e përdori kur hyri në territorin francez, – vijoi zëdhënësi. Arsyeja e ndalimit të Kerimov nuk është konfirmuar, por një zyrtar u shpreh për agjencinë e lajmeve AFP, se zoti Kerimov ishte akuzuar se kishte fshehur miliona euro nga autoritetet fiskale kur kishte blerë një numër pronash të paluajtshme në Rivierën franceze. Kerimov u lirua kundrejt një pagese prej 5 milion eurosh dhe ka dorëzuar pasaportën pranë autoriteve franceze. Familja e Kerimov kontrollon prodhuesin më të madh të arit në Rusi dhe vetë miliarderi ka një vlerë neto prej 6.3 miliardë dollarësh. Aksionet e kompanisë së tij ranë pas lajmit të arrestimit. 51 vjecari është senator në dhomën e lartë të parlamentit rus, dhe një nga dy përfaqësuesit e republikës juperëndimore të Dagestanit në krahinën e Kaukazit Verior. Deri vitin e shkuar, ai ishte gjithashtu pronar i klubit të futbollit Anzhi Makhashkala, i cili u bë i njohur për blerjen e yjeve të mëdhenj të këtij sporti, siç ishte edhe sulmuesi nga Kameruni Samuel Eto’o.

Sicred