KRYEFAQJA » LAJME » Ford, 11 miliardë dollarë për mjete elektrike

Ford, 11 miliardë dollarë për mjete elektrike

Kolosi i automjeteve, Ford lajmëroi se do të investojë 11 miliardë dollarë për mjete elektrike gjatë 5 viteve të ardhshme, duke dyfishuar angazhimin e mëparshëm. Presidenti Bill Ford tha se kompania do të ketë 40 modele hibride dhe plotësisht elektrike deri në vitin 2022. Lëvizja e Fordit vjen ndërsa qeveritë në botë po ushtrojnë gjithnjë e më shumë presion mbi prodhuesit e makinave që të reduktojnë ndotjen. General Motors, Toyota, Volvo dhe Volkswagen kanë prezantuar që më herët plane ambicioze për të ofruar më shumë makina elektrike. Kompania Ford njoftoi se ajo do të përqëndrohet te shndërrimi në elektrike i modeleve ekzistuese, por pa përmendur emra. Deri në vitin 2022, kompania do të ketë 16 modele plotësisht elektrike dhe 24 hibride. Zyrtarë të kompanisë thanë se, qëllimi është elektrifikimi i modeleve më popullore të kësaj marke, pasi vetëm kështu plani do të ketë sukses. Mediet raportojnë se një nga modelet që do të preket duket se është legjendari Mustang, një makinë ikonë jo vetëm në SHBA, por në të gjithë botën.

Sicred