KRYEFAQJA » LAJME » Kulturë » Dokumentet osmane hapen për publikun

Dokumentet osmane hapen për publikun

Arkivi i Shtetit hap për publikun arkivat e 500 viteve histori dhe përkatësisht dokumentet osmane nga shekulli i 15-të do të bëhen shumë shpejt të aksesueshme. Tashmë procesi i dixhitalizimit ka nisur dhe sipas specialistëve do të vijojë për së paku 2 vjet. Deri më tani janë kaluar rreth 16 mijë dokumente që përfshijnë sheriate, vendime gjykatash, urdhëresa, tapi, fermane nga Stambolli etj. Sipas osmanologut Rezart Mezani, hapja e 500 viteve dokumente ka një rëndësi jetike jo vetëm për historinë por edhe për dokumentimin e pronave dhe regjistrat e tapive nga Vlora, Elbasani, Tirana, Durrësi, Kavaja, Berati dhe krahina të tjera i shërbejnë këtij qëllimi. Momentalisht specialistët po punojnë mbi një urdhëresë të sulltanit mbi një prijës katolik si Bib Dod Pasha. Dokumentat osmane dhe paraosmane nga shekulli i 15-të pas dixhitalizimit, do të jenë të aksesueshme si në Turqi ashtu dhe në Shqipëri duke hedhur dritë mbi 500 vite të gjata pushtimi por dhe të pasura në dokumente.

Sicred