KRYEFAQJA » LAJME » Bota » Buxheti i lojërave Tokyo 2020
Buxheti i lojërave Tokyo 2020

Buxheti i lojërave Tokyo 2020

Organizatorët e “Tokio 2020” kanë zhvilluar të premten një mbledhje të rëndësishme ku kryefjala e saj ka qenë buxheti për Lojërat Olimpike. Ky takim u organizua sepse qyteti japonez ka qenë nën presion për të reduktuar shpenzimet. Buxheti i përgjithshëm i lojërave tani qëndron në shifrat prej 12.6 miliardë dollarë. Kjo shumë është 1.4 miliardë dollarë më par se buxheti I miratuar në dhjetorin e vitit të kaluar dhe 0.3 miliardë dollarë krahasuar me shumën që u miratua në muajin maj të 2017. “Ne do të vazhdojmë të kërkojmë ulje të mëtejshme të buxhetit të Lojërat Tokio 2020, sidomos në sektorët e transportit, akomodimit dhe sigurisë,” thanë organizatorët në një deklaratë. Ata përshëndetën një “reduktim të ndjeshëm të kostove” që rezultojnë nga “përpjekjet e vazhdueshme … për të shmangur rekursin ndaj fondeve publike”. “Ky nuk do të jetë fundi i përpjekjeve për uljen e kostos,” u zotua Hidemasa Nakamura, zyrtari kryesor financiar i komitetit organizativ të Tokios 2020, në një konferencë shtypi. Ndërsa Kryetari i Komisionit të Koordinimit të Lojrave të IOC-së John Coates tha në tetor se Tokio duhet të synojë të ulë kostot e përgjithshme me 1 miliard dollarë nga shifra e përkohshme. Komiteti organizativ i Tokio 2020 do të mbulojë 5.6 miliardë dollarë të kostove, me autoritetet e qytetit të Tokios dhe qeverinë japoneze që kanë ngrirë një shtesë prej 7 miliardë dollarë mes tyre. Buxheti i komitetit organizativ prej 5.6 miliardë dollarësh mbulohet nga shitja e biletave, licencimi dhe sponsorizimi. Të ardhurat nga sponsorizimet kanë patur një rritje prej 0.9 miliardë dollarë. Megjithatë, Tokio 2020 pranoi se ende duhej të gjente 0.2 miliardë dollarë me “të ardhurat shtesë të pritura” për të balancuar zërat dhe u zotua se do të “vazhdonte të kërkonte mënyra” për të siguruar fonde shtesë.

Sicred