Australi, dita më e nxehtë e vitit që nga 1939

Sidnej përjetoi ditën më të nxehtë që nga viti 1939, me temperatura që në zona të ndryshme të qytetit arriti deri në 47,8 gradë Celsius. Që në fillim Zyra Meteorologjike e vendit tha se kjo do të ishte dita më e nxehtë në historinë e qytetit, pasi mati temperaturën 47,1 gradë Celsius në Penrith. Ndeshjet e turneut ndërkombëtar të tenisit, që po zhvillohen në Sidnej, u ndërprenë pasi temperatura në fushat e tenisit kishte kaluar mbi 40 gradë Celsius, çka detyroi tenisten e njohur, Kristina Mladenoviç që të tërhiqej pasi ishte ndjerë keq . Paralajmërime të ashpra nga zjarret u nxorrën për zonën më të madhe të Sidneit dhe u morën masa në të gjithë qytetin.