KRYEFAQJA » LAJME » Bota » Australi, dënohet arqipeshkvi për fshehjen e abuzimit seksual

Australi, dënohet arqipeshkvi për fshehjen e abuzimit seksual

Një arqipeshkv katolik është shpallur fajtor nga një gjykatë australiane për fshehjen e abuzimit seksual me fëmijët në vitet 1970. Filip Uilson, tashmë arqipeshkv i Adelajdës, bëhet edhe zyrtari më i lartë katolik në botë që është paditur dhe shpallur fajtor për një krim të tillë. Gjatë gjyqit u provua se ai kishte fshehur dhe mbuluar rastet e abuzimit me djemtë e altarit kryer në vitet 70-të nga një koleg i tij pedoffil në Nju South Uells. Masa e dënimit ndaj Ulison do të vendoset në muajin qershor dhe ai mund të dënohet deri në dy vjet burg. Kolegu pedofil i Uillson ishte dënuar në vitin 2004 për abuzim seksual ndaj nëntë fëmijëve dhe kishte vdekur në burg në vitin 2006. Një nga viktimat e tij bëri të ditur në gjyqin kundër Uilson se në vitin 1976 ia kishte përshkruar abuzimin Uillsonit me detaje. Por Uilson asnjëherë nuk pranoi se ishte informuar për abuzimet.

Sicred