KRYEFAQJA » LAJME » Bota » Atentati në Florida, rritet numri i viktimave ndërsa arrestohet atentatori

Atentati në Florida, rritet numri i viktimave ndërsa arrestohet atentatori

Autoritetet thonë se 17 persona kanë humbur jetën në një shkollë të mesme në Floridën jugore dhe se personi që dyshohet se qëlloi me armë zjarri është arrestuar. Policia u vu në alarm pas të shtënave brenda shkollës në Parkland, që ndodhet në një zonë të qetë nënurbane dhe nisi kërkimin për personin e armatosur, ndërkohë që dhjetra nxënës e mësues qënronin të ngujuar brenda klasave. 12 persona u vranë brenda shkollës ndërsa 3 të tjerë jashtë saj. Dy persona humben jeten në spitalet e zonës. Të shtënat filluan menjëherë pas mbarimit të mësimit. Policia njoftoi se e kishte arrestuar personin e dyshuar, i cili është identifikuar me emrin Nicolas Cruz. Ai ka aktivizuar alarmin e zjarrit në mënyrë që studentët të dilnin nga klasat e tyre e më pas hapi zjarr. Ai iu shmang policisë duke u shtirur si një prej studentëve të tmerruar që vraponin për të shpëtuar kokën. Zyrtarët thanë se nuk kishin qenë në dijeni të ndonjë kërcënimi që mund të ishte bërë para ngjarjes. Policia dhe punonjësit e ndërhyrjes së shpejtë rrethuan zonën dhe pamjet televizive tregonin nxënësit që dilnin nga klasat duke u larguar me të shpejtë nga vendi i ngjarjes. Presidenti Trump dërgoi përmes Twitterit ngushëllimet e tij për familjet e viktimave. “Asnjë fëmijë, mësues apo çdokush tjetër nuk duhet të ndihet kurrë i pasigurtë në një shkollë amerikane,” shkruante ai.

Sicred