KRYEFAQJA » LAJME » “Arrest në shtëpi” për Redi Popeskun

“Arrest në shtëpi” për Redi Popeskun

Gjykata e Tiranës ka ndryshuar masën e sigurisë për Redi Popeskun, pronarin e lokalit në ish-Bllok, ku edhe ndodhi shkëmbimi i zjarrit më 4 tetor me dy të plagosur dhe një viktimë. Seanca u zhvillua me dyer të mbyllura dhe pa praninë e medias për shkak të sekretit hetimor, ndërsa në përfundim, gjyqtari Artan Gjermeni komunikoi ndryshimin e masës nga arrest me burg në atë shtëpiak.

Popesku u arrestua dy ditë më parë në lokalin e tij me kërkesë të Prokurorisë pasi akuzohet se ka gënjyer në dëshminë e tij, por edhe se ka fshehur një tjetër pistoletë që është përdorur atë natë duke e larguar nga atë nga vendngjarja. Mësohet se bëhet fjalë për një armë me leje për të cilën Popesku ka bërë një denoncim duke u shprehur se i ka humbur dhe për këtë arsye nuk e ka dorëzuar. Pas seancës, avokati i Popeskut u shpreh se klienti i tij nuk kishte fshehur asnjë provë pasi gjatë kontrolleve policia nuk gjeti asnjë armë, por jo që ajo s’u dorëzua.

Për përplasjen me armë në ish-Bllok, policia deri më tani ka arrestuar Ervis Martinajn, Geldo Hotin dhe Eljon Haton, ndërkohë që në kërkim mbeten komando Mervjol Bilo, Ervin Mata dhe Fabjol Alushi.

Sicred
WP Facebook Auto Publish Powered By : XYZScripts.com